Add to favourites
News Local and Global in your language
22nd of July 2018

Pakistan News



نواز شریف نے مجھ سے بے وفائی نہیں دشمنی کی، چوہدری نثار - جیو اردو - Geo Urdu

Posted on July 4, 2018 By Majid Khan اسلام آباد, اہم ترین, مقامی خبریں

Chaudhry Nisar Ali Khan

Chaudhry Nisar Ali Khan

راولپنڈی (جیوڈیسک) سابق وزیر داخلہ چوہدری نثار علی خان کا کہنا ہے کہ نواز شریف نے مجھ سے بے وفائی نہیں بلکہ دشمنی کی اور مجھے اس کا جواب دینا آتا ہے لیکن یہ جواب میرے حلقے کے ووٹرز دیں گے۔

راولپنڈی کے علاقے چکری میں جلسے سے خطاب کرتے ہوئے چوہدری نثارعلی خان کا کہنا تھا کہ تقریر وہاں کی جاتی ہے جہاں لوگوں کو قائل کرنا ہوتا ہے لیکن یہاں موجود لوگوں نے تو الٹا مجھے قائل کرلیا ہے کیوں کہ یہ غیرت مندوں کا علاقہ ہے یہاں لوگ پرچیوں سے نہیں ضمیر سے ووٹ دیتے ہیں۔

چوہدری نثار نے کہا کہ نوازشریف سے 34 سال وفاداری نبھائی، نوازشریف سے ایسی وفاداری نبھائی جیسے بھائی بھائی نہیں نبھا سکتا لیکن نوازشریف نے بے وفائی نہیں بلکہ مجھ سے دشمنی کی جب کہ مجھے اس کا جواب دینا ہے لیکن اس کا جواب میرے حلقے کے ووٹرز دیں گے۔ انہوں نے کہا کہ مجھے اگر سیٹ کی لالچ ہوتی تو چپکے سے ایک درخواست لاہور بھیج دیتا جب کہ عمران خان نے بھی کہا کہ نثار ہماری طرف آئیں ٹکٹوں کی لائن لگا دیں گے لیکن چودھری نثار نہ پہلے کبھی بکا ہے نہ آئندہ بکے گا۔

سابق وزیر داخلہ نے کہا کہ میرا مقابلہ کسی وزیر یا ایم این اے کے حلقے سے نہ کریں بلکہ میرے حلقے کا مقابلہ نوازشریف ،شہبازشریف، زرداری، عمران خان کے حلقے سے کریں جب کہ میرے مخالفین کوئی نئے نہیں، یہ 8 سال مشرف کی وردی کے پیچھے آپ پرمسلط رہے لیکن اُس کے باوجود میں نے کسی کی خوشامد نہیں کی بلکہ اصولوں کی سیاست کی ہے، 34 سال آپ کو شرمندہ نہیں کیا آئندہ بھی نہیں کروں گا۔

by Majid Khan

Nasir Mehmood - Chief Editor at GeoURDU.com

Read More




Leave A Comment

More News

Geo Urdu

پاکستان - وائس

The Dawn News - Home

The News International -

AAJ News

Disclaimer and Notice:WorldProNews.com is not the owner of these news or any information published on this site.