Add to favourites
News Local and Global in your language
22nd of July 2018

International



بارسلونا کلب: غیر قانونی طریقے سے گردہ خریدنے کے الزام کی تردید

بارسلونا فٹبال کلب نے اس الزام کی تردید کی ہے کہ سابق صدر سینڈرو روسیل نے فرانسیسی کھلاڑی ایرک ابیدال کے لیے غیر قانونی طریقے سے گردہ خریدا تھا۔

38 سالہ ابیدال کے گردے کا ٹرانسپلانٹ 2012 میں ہوا تھا جب ان کے گردے میں ٹیومر کی نشاندہی کی گئی۔

ایرک ابیدال اب بارسلونا کلب کے ٹیکنیکل سیکریٹری ہیں۔ سپین سے آنے والی اطلاعات کے مطابق کلب کے سابق صدر گردے کی خریداری میں ملوث تھے۔

بارسلونا نے ان الزامات کی سختی سے تردید کی ہے۔ سابق کھلاڑی ابیدال اور ہاسپٹل کلینک بارسلونا جہاں یہ آپریشن ہوا، نے بھی اس الزام کو بے بنیاد قرار دیا ہے۔

سابق صدر سینڈرو روسیل کو 2017 میں منی لانڈرنگ کے الزامات کے بعد گرفتار کیا گیا تھا۔ وہ اب بھی حراست میں ہیں۔

بارسلونا کلب نے ایک پریس ریلیز میں کہا ہے کہ انھیں دکھ ہے کہ ایک انتہائی حساس موضوع کے بارے میں اس طرح کی افواہیں پھیلائی جا رہی ہیں۔

سپین کے ادارے نیشنل ٹرانسپلانٹ آرگنائزیشن نے کہا ہے کہ انھوں نے اس معاملے پر تحقیقات شروع کردی ہیں اور وہ کاٹالن ٹرانسپلانٹ آرگنائزیشن کے ساتھ مل کر اس پر کام کر رہے ہیں۔

انھوں نے یہ بھی کہا کہ جو معلومات ان کے پاس ہیں اس کے مطابق یہ عطیہ اور ٹرانسپلانٹ قوانین اور پروٹوکال کے مطابق ہے۔

چھ سیزن تک بارسلونا کی طرف سے کھیلنے والے ایرک ابیدال ٹیم میں دفاعی کھلاڑی کی حیثیت سے کھیلتے تھے۔

Read More




Leave A Comment

More News

BBCUrdu.com | صفحۂ

دنیا - وائس آف

The News International -

AAJ News

AL JAZEERA ENGLISH (AJE)

The Dawn News - Home

China Post Online -

Reuters: World News

FOX News

Asian Correspondent

Disclaimer and Notice:WorldProNews.com is not the owner of these news or any information published on this site.